عباس أبو الحسن , كشف نجل السيدة منال التي هي مصابة في حادث الفنان ويدعى فهد عن تفاصيل الحالة الصحية لوالدته و كذلك أيضا زميلتها التي كانت قد أصيبت معها في الحادث حيث أشار إلى أن حالتها مازالت غير مستقرة .
الحالة الصحية لواحدة من مصابات عباس أبو الحسن
وقال فهد إن حالة والدته مازالت متدهورة للغاية حيث أشار إلى أن والدته تعاني من شرخ يوجد في قاع الجمجمة و تعاني من كسر في الضلع الأيسر وكسر في الحوض و أيضاا كسر في الأنف و عدة كدمات في الوجه حيث علق قائلا والدتي في حالة صعبة وهي بتفوق وبيجيلها إغماء تاني .
وأضاف فهد قائلا محدش بص عليهم من وقت ما دخلوا المستشفى و هما سابوا الحساب ومشيوا والسيدة المصابة الثانية هي صديقة والدتي و هي توفيت إكلينيكا .
مفاجأة في حادث عباس أبو الحسن
و أكمل تصريحاته قائلا هما حطوهم في المستشفى و رموهم ومشيوا و المكان اللي دخلوا فيه بالشيخ زايد قعدنا من 7 لحد 4 الفجر و أحنا مش لاقيين عناية مركزة علشان أهلنا وهما وهمونا أنهم هياخدوهم في واحدة تانية خاص تاني وفي الآخر نقلوهم في واحدة تانية موجود في المهندسين
علشان والدتي هناك تعمل إشاعة على جسمها علشان عندها كسر في الحوض و جسمها كله متدمر و محتاج تتشال و تتنقل كل شوية علشان تعمل إشاعة وده اللي بيخلي الحالة تسوء بسبب نقلها والحالة التانية هما مش قادرين يعملوا لها أي إشاعة علشان مفيش أي شيء مجهز في المكان هل الكلام ده منطقي .
نجل المصابة يكشف قائلا كان ماشي بسرعة جنونية
وأكمل تصريحاته موجه إنتقاده إلى الفنان قائلا انا والدتي مكانتش على المحور هي كانت لسه خارجة من شغلها من بنك في الشيخ زايد اللي في مول أركان والمكان ده كان في مطب ومكنش فيه سرعة و هو كان ماشي بسرعة جنونية و المنطقة دي منطقة عبور والناس كلها لازم تعدي منها وهو إزاي في حد ماشي على سرعة 30 و هيخبط اتنين .